ប្រជាពល៦០០គ្រួសារតវ៉ារឿងអប្សារាដេញរដ្ឋបាលខេត្តសៀមរាប សុំឲ្យរក្សាភាពស្ងៀមស្ងាត់សិន!

សៀមរាប៖នៅព្រឹកថ្ងៃទី ២៤ ខែ សីហា ឆ្នាំ២០២៦មានប្រជាពលរដ្ឋប្រមាណជាង១០០នាក់ រស់នៅភូមិ មណ្ឌល៣ សង្កាត់ស្លក្រាម ក្រុង ខេត្ត សៀមរាបចេញមកតវ៉ា កើតទុក្ខមិនសុខចិត្តដោយអាជ្ញាធរជាតិអប្សរា បានកំណត់ផែនទីទីតាំងប្រើប្រាស់ដីធ្លី ក្នុងភូមិs[mrab៦០០ គ្រួសារ បាននាំគ្នាមកស្នើសុំឲ្យអាជ្ញាធរខេត្តសៀមរាប ជួយធ្វើអន្តរាគមន៍ ក្នុងការសុំឲ្យអាជ្ញាធរជាតិអប្សរា ធ្វើការដកភូមិមណ្ឌលបីចេញពីតំបន់ក្រហម ឲ្យជាតំបន់លឿងវិញ ។ ករណីនេះអភិបាលខេត្តបានចាត់តាំងឲ្យ លោក ឌុច គឹមដន នាយករងរដ្ឋបាលសាលា ខេត្តសៀមរាប រួមនឹងលោកនាយកទីចាត់ការអន្តរវិស័យ និង មន្ត្រី ជួបធ្ចើការសម្របសម្រួល ជាមួយតំណាងប្រជាពលរដ្ឋ ។  

លោក ឌុច គឹមដន បានធ្វើការពន្យល់ណែនាំបងប្អូន ព្រមទាំងបានលើកនូវសាវតានៃការស្នើ សុំ របស់ប្រជាពលរដ្ឋភូមិមណ្ឌល៣ និង ការងាររបស់ក្រុមការងារក្រសួង និង ការកំណត់ប្រភេទតំបន់ ដែលមានការពាក់ព័ន្ធទៅនឹងតំបន់រមណីយដ្ឋានអង្គរ ព្រមទាំងលើកឡើងពីនីតិវិធីច្បាប់ដោយលោកបញ្ជាក់ថា ភូមិសាស្ត្រនេះ ស្ថិតនៅក្នុងតំបន់គ្រប់គ្រងដោយអាជ្ញាធរជាតិអប្សរា ដែលកំណត់ដោយព្រះរាជក្រឹត្យ និង គ្រប់គ្រងដោយអង្គការយូនីស្កូ ទៀតផង ។

លោកថា ក្នុងរយៈពេលនេះ ស្នើសុំបងប្អូនរក្សានូវភាពស្ងៀមស្ងាត់ មិនត្រូវធ្វើការសាងសង់ដោយគ្មានច្បាប់ទន្លាប់ឡើយ ដែលធ្វើឲ្យមានផលប៉ះពាល់ខូចខាតទ្រព្យសម្បត្តិបងប្អូន នៅពេលដែលក្រុមសណ្តាប់ធ្នាប់អាជ្ញាធរជាតិអប្សរាចុះធ្វើការរុះរើសំណង់ខុសច្បាប់ ។ ម៉្យាងទៀត មុនពេលបងប្អូនធ្វើការសាងសង់ សូមបងប្អូនត្រូវធ្វើការដាក់ពាក្យច្បាប់អនុញ្ញាតសាងសង់ ដោយត្រូវរងចាំដល់មានច្បាប់ថ្មីចេញជាស្ថាបពរ ។

ក្នុងនោះលោកក៏បានលើកផងដែរ អំពីអនុសាសន៍ណែនាំរបស់សម្តេចធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អំពីនីតិវិធីដោះស្រាយនូវទុក្ខលំបាករបស់ប្រជាពលរដ្ឋ ដែលស្ថិតក្នុងតំបន់អប្សរាផងដែរ ។ លោកនាយករងរដ្ឋបាលសាលាខេត្ត ក៏បានបញ្ជាក់ថា រាល់សំណើរបស់ បងប្អូនដាក់ជូនគណៈអភិបាលខេត្ត ត្រូវបានគណៈអភិបាលខេត្តបានទទួលហើយ និង រងចាំយកទៅធ្វើការត្រួតពិនិត្យ ពិភាក្សា នៅក្នុងអង្គវេទិការអន្តរក្រសួងនៅខែខាងមុខនេះ ក្នុងការដោះស្រាយជូនបងប្អូន ។ លោកឌុចគឹមដនស្នើថា នៅពេលក្រោយ បើមានបញ្ហាអ្វីសូមបងប្អូនរៀបចំចាត់តំណាងរបស់ខ្លួន ដើមី្បដោះស្រាយទៅតាមសន្តិវិធី ដើមី្បជៀសវាងនូវការប្រមូលផ្តុំគ្នា ធ្វើឲ្យប៉ះពាល់ពេលវេលាការងារបងប្អូន និង សណ្តាប់ធ្នាប់សាធារណៈ ។