អយ្យការអមតុលាការខេត្តកំពង់ឆ្នាំងមិនបានចោទប្រកាន់ករណីយ៍ហឹង្សាកាប់គ្នាស្លាប់បន្ទាប់ពីផឹកស្រវឹងទេ!

ខេត្តកំពង់ឆ្នាំង៖លោកឧត្ដមសេនីយ៍​ត្រី​ ប៉ុល​ វុទ្ធី​ ស្នងការ​រង​នគរបាល​ខេត្ត​កំពង់​ឆ្នាំង​ ទទួល​ផែន​ព្រហ្មទណ្ឌ​ បានអោយដឹងថា​ តំណាង​អយ្យការ​អមសាលាដំបូង​ខេត្ត​កំពង់​ឆ្នាំង​ បាន​អនុញ្ញាត​ឱ្យ​ប្អូន​ប្រុស​ ដែល​ ប្រើសិទ្ធិការពារខ្លួនក្នុង​ករណី​ ហឹង្សា​មួយ​នៅ​សាលា​លេខ៥​ ខេត្ត​កំពង់​ឆ្នាំងកាលពីថ្ងៃទី១៣ឧសភា​បានត្រឡប់ទៅផ្ទះវិញ​ហើយ​ ។មូលហេតុមិនចោទប្រកាន់អាចត្រូវបានយោងតាមមាត្រា៣៣និង៣៤នៃក្រមព្រហ្មទណ្ឌដែលមានចែងពីសិទ្ធការពារខ្លួនជាធម្មានុរូប។ 

សូមបញ្ជាក់ថាកាលពីថ្ងៃទី១៣ ខែឧសភា ឆ្នាំ២០២៦ វេលាម៉ោងប្រមាណ ១៩:៤០នាទី មានករណីហិង្សាដោយប្រើអាវុធមួយកើតឡើងនៅចំណុចផ្ទះឈ្មោះ សើ សុនី ហៅ អៃ ភេទប្រុស អាយុ ៦១ឆ្នាំ ជនជាតិខ្មែរឥស្លាម ស្ថិតនៅភូមិច្រករមៀត ឃុំអូរឬស្សី ស្រុកកំពង់ត្រឡាច ខេត្តកំពង់ឆ្នាំង បណ្តាលឲ្យមនុស្សម្នាក់ស្លា​​​​​ប់នៅកន្លែងកើតហេតុ។

សមត្ថកិច្ចបានឲ្យដឹងថា មុនកើតហេតុ មានមនុស្សចំនួន ៤នាក់ បានជួបជុំផឹកស្រាថ្នាំ និងស្រាបៀរ នៅមុខផ្ទះកើតហេតុ រួមមាន៖ ឈ្មោះ នី ណាស៊ី ភេទប្រុស អាយុ ៣៥ឆ្នាំ, ឈ្មោះ សើ សុនី (ម្ចាស់ផ្ទះ), ឈ្មោះ ជួប សុភ័ក្រ ភេទប្រុស អាយុ ៤១ឆ្នាំ និងឈ្មោះ សុះ អាលី ភេទប្រុស អាយុ ៣៩ឆ្នាំ។

ពេលផឹកស្រវឹងក៏មានការទាស់សម្តី និងឌឺដងគ្នា ស្ថិតក្នុងស្ថានភាពស្រវឹងជោគជាំ ឈ្មោះ សុះ អាលី បានយកពូថៅចូលទៅកាប់ឈ្មោះ នី រ៉ាវី បណ្តាលឲ្យរងរបួស។ បន្ទាប់មក ក៏កើតមានការប្រវាយប្រតប់គ្នាវិញ រហូតឈ្មោះ នី រ៉ាវី បានយកពូថៅកាប់តបវិញ ត្រូវចំក្រោមត្រចៀកខាងឆ្វេងរបស់ឈ្មោះ សុះ អាលី បណ្តាលឲ្យស្លាប់នៅកន្លែងកើតហេតុ។

ក្រោយកើតហេតុ សមត្ថកិច្ចបានចុះទៅដល់ទីតាំង ធ្វើស្រាវជ្រាវ នាំខ្លួនជនសង្ស័យមកកាន់អធិការដ្ឋាននគរបាលស្រុកកំពង់ត្រឡាច ដើម្បីសួរនាំ និងអនុវត្តតាមនីតិវិធីច្បាប់។នៅវេលាម៉ោង១៤រសៀល ថ្ងៃទី១៦ ខែឧសភា ឆ្នាំ២០២៦ លោក នី រ៉ វី រស់នៅភូមិច្រករមៀត ឃុំអូឬស្សី ស្រុកកំពង់ត្រឡាច ខេត្តកំពង់ឆ្នាំង ត្រូវបានឯកឧត្តម ឯក ស៊ុន រស្មី ព្រះរាជអាជ្ញាអមសាលាដំបូងខេត្តកំពង់ឆ្នាំង “អនុញ្ញាតឲ្យមានសេរីភាពវិញ”។បន្ទាប់ពីទទួលបានសេរីភាព លោកក៏បានវិលត្រឡប់ទៅជួបជុំប្រពន្ធកូន និងក្រុមគ្រួសារវិញដោយក្តីរីករាយ.។