ម្ចាស់សំណង់ «ឈុន គា» បន្តសាងសង់ ទោះមានលិខិតផ្អាកស្មើនិងមិនខ្លាចច្បាប់!អាងខ្នង?

កណ្ដាល៖ សំណង់អគារឃ្លាំងមួយ មានឈ្មោះ «ឈុន គា» ស្ថិតនៅជាប់ផ្លូវជាតិលេខ២ ភូមិក្រពើហារកើត សង្កាត់ព្រែកឬស្សី ក្រុងតាខ្មៅ ខេត្តកណ្ដាល កំពុងក្លាយជាបញ្ហាដែលទាក់ទាញការចាប់អារម្មណ៍ពីសាធារណជន ដោយសាងសំណង់ ត្រូវបានសមត្តកិច្ចជំនាញឲ្យផ្អាកតែនៅបន្តសាងសង់ដោយគ្មានលិខិតអនុញ្ញាតត្រឹមត្រូវពីសមត្ថកិច្ចជំនាញ និងមិនមានកិច្ចសន្យាជាប់ព្រុំតាមបច្ចេកទេសផងដែរ។ 

លោក ឃឹម សំភារ អភិបាលក្រុងតាខ្មៅបានចេញលិខិតផ្អាកការដ្ឋាន ចុះថ្ងៃទី៧ ខែមេសា ឆ្នាំ២០២៦ ។ ស្ថានភាពនេះ បានលើកឡើងសំណួរចម្បងមួយថា៖ តើអំណាចនៃលិខិតផ្អាក មានប្រសិទ្ធភាពប៉ុណ្ណា បើមិនត្រូវបានគោរពអនុវត្ត?

តាមច្បាប់ស្ដីពីសំណង់ ការសាងសង់គ្រប់ប្រភេទ ត្រូវតែមានការអនុញ្ញាតជាមុន និងគោរពតាមបទប្បញ្ញត្តិបច្ចេកទេស ដើម្បីធានាសុវត្ថិភាព សណ្តាប់ធ្នាប់ និងការអភិវឌ្ឍប្រកបដោយចីរភាព។ ការមិនគោរពច្បាប់ មិនត្រឹមតែបង្កហានិភ័យដល់អ្នករស់នៅជុំវិញប៉ុណ្ណោះទេ ប៉ុន្តែថែមទាំងប៉ះពាល់ដល់សណ្ដាប់ធ្នាប់សាធារណៈ និងសុវត្ថិភាពសំណង់ទូទៅផងដែរ។

ករណីយ៍នេះមហាជនលើកឡើងថា ប្រសិនបើមានការអនុវត្តច្បាប់មិនស្មើភាព ឬមានភាពអសកម្មពីសមត្ថកិច្ច វាអាចនាំឲ្យកើតមានគំរូអវិជ្ជមាន ដែលប៉ះពាល់ដល់ការគោរពច្បាប់ជាសាធារណៈ។តើលោកគួចចំរើនអភិបាលខេត្តកណ្តាលបានដឹងទេ?។

សំណួរដែលនៅតែចាំចម្លើយ គឺ៖ តើច្បាប់ស្ដីពីសំណង់ នឹងត្រូវអនុវត្តយ៉ាងដូចម្តេច ប្រសិនបើការបំពាននៅតែបន្តដោយគ្មានការចាត់វិធានការតឹងរឹង?។ពាក់ព័ន្ធករណីសំណង់អគារឃ្លាំងមួយ មានឈ្មោះ «ឈុន គា»​ កំពុងសាងសង់បំពានលិខិតផ្អាកការដ្ឋាន​ខាងលើ មហាជនបានស្នើដល់ឯកឧត្ដម គួច ចំរើន អភិបាលខេត្តកណ្ដាលមេត្តាចាត់មន្ត្រីជំនាញចុះស្រាវជ្រាវ ស៊ើបអង្កេត និងមានវិធានការតឹងរ៉ឹងចំពោះក្រុមអ្នកមិនគោរពច្បាប់ស្ដីពីសំណង់ផង៕