វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 28 នាក់
ម្សិលមិញ 6501 នាក់
សរុប 13948583 នាក់
កូរ៉េ៖ក្នុងពេឡដែលជំនួបកំពូលកូរ៉ខាងជើងនិងអាមេរិក កាន់តែជិតចូលមកដល់ លោកគីមជុងអ៊ុនត្រូវបានកាសែតរាយការណ៍ថាលោកមានការបារម្ភពីសុវត្ថិភាពផ្ទាល់ខ្លួនពេល ជិះយន្តហោះនិងសា្នក់នៅប្រទេសសិង្ហបុរីខ្លាចមាន ការប៉ុនប៉ងធ្វើឃាត ដូចករណីឃាតកម្មលើបងប្រុសម្នាក់របស់លោកកាលពីឆ្នាំ២០១៧។នេះបើតាមសារព័ត៌មាន Business insider UK ផ្សាយនៅថ្ងៃទី៦មិថុនាបានឲ្យដឹង ។
ការពិតការភ័យខ្លាចទាក់ទងនឹងការប៉ុនប៉ងធ្វើឃាតលោកគីមជុងអ៊ុន គឺសូម្បីនៅក្នុងប្រទេសរបស់លោកក៏ធ្លាប់កើតមានដែរ។ តែអ្វីនាំអោយលោកជុងអ៊ុន ភ័យខ្លាច គឺលោកខ្លាចមានការធ្វើឃាតរូបលោកដូចបងប្រុសរបស់លោក គឺលោកគីមជុងណាំបងប្អូន ឪពុកតែមួយម្ដាយទីទៃដែលបានស្លាប់ភ្លាមៗនៅព្រលានយន្តហោះក្រុងកូឡាឡំពួរប្រទេសម៉ាឡេស៊ីកាលពីថ្ងៃទី១៣កុម្ភៈ ឆ្នាំ២០១៧ម្សៅគីមីដ៏មានឥទ្ធិពល។ ទោះជាយ៉ាងណាតាមប្រភពរបស់ទីភ្នាក់ងារសារព័តមានReuters ការរឹតបន្តឹងសន្តិសុខ បានធ្វើឡើង ទាំងលំហអាកាសផ្លូវគោក និងផ្លូវទឹកក្នុងរយៈពេលបីថ្ងៃ។
រីឯកន្លែង ស្នាក់នៅ និងទីកន្លែងប្រជុំរបស់មេដឹកនាំទាំងពីរកាន់តែរឹតបន្តឹងជាខ្លាំង។ចាប់តាំពីឡើងកាន់អំណាចនៅឆ្នាំ២០១១មក លោកជុងអ៊ុន មិនដែលបានធ្លាប់ធ្វើដំណើរតាមជើងយន្តហោះម្ដងណាទេ។ ប្រភពនេះបានធ្វើការកត់សម្គាល់ថា បើមានស្ថានភាពនេះកើតឡើងមែន គឺជាជោគវាសនាអាក្រក់ដល់មេដឹកនាំទាំងពីរ។
តែថា បើលោកជុងអ៊ុនគ្រោះថ្នាក់នឹងធ្វើអោយរបបក្រុងព្យុងយ៉ាងចលាចល ហើយនាំទៅដល់ការដូររបបដឹកនាំ ។តែបែបនេះក្ដី បើលោកត្រាំគ្រោះថ្នាក់វិញ មិនជាខ្វល់អ្វីទេសម្រាប់អាមេរិកព្រោះប្រទេសនេះមានច្បាប់ទំលាប់ដើម្បីជំនួសស្ថានការណ៍នេះទៅហើយ។ លោកគីមជុងអ៊ុននិងប្រធានាធិបតីអាមេរិកដូណាល់ត្រាំ ត្រូវជួបប្រជុំជាមួយគ្នាដែលគេហៅថា ជំនួបកំពូលកម្រិតប្រវត្តិសាស្ត្រពិភពលោកនឹងប្រព្រឹត្តីនៅថ្ងៃទី១២មិថុនា នៅប្រទេសសិង្ហបុរីដែលមេដឹកនាំងអាមេរិកនិងមេដឹកនាំកូរ៉េខាងជើងច្រើនជំនាន់ធ្វើមិនាបន ។ជំនួបកំពូលរបស់មេដឹកនាំទាំងពីរនេះគេរំពឹងថាផ្ដោតសំខាន់ចំពោះការរំសាយកម្មវិធីអាវុធនុយក្លេអ៊ែរ នៃប្រទេសកូរ៉េខាងជើង។