ឈ្មួញ​ឈើ ណាក់​ក្បាល​ធំ ហូ​វ ជី​វ៉ៃ​និង​ស្រី វិ​ជ្ជ​រ៉ា ដឹកជញ្ជូន​ឈើប្រណិត​ខុសច្បាប់ ​ឆ្លង កុងត្រូលជជុះ​រាប់រយ​កន្លែងដោយ​ជោគជ័យ​ចេញទៅ​ស្រុក​យួន​

jivai

​ខេត្ត​រតនៈគីរី ៖ ឈ្មួញ​ឈើ ហាប់ ណាក់ ហៅ​ណាក់​ក្បាល​ធំ ហូ​វ ជី​វ៉ៃ ជា​មន្ត្រី​អាវុធហត្ថ និង​ប្រពន្ធ​ឈ្មោះ ស្រី វិ​ជ្ជ​រ៉ា​ត្រូវបាន​គេ​រាយ​កាណ៍​ថា​បាន​និង កំពុង​ឃុបឃិត​ប្រមូល​ទិញ​និង​ដឹកជញ្ជូន​ឈើ​ខុសច្បាប់ តាម​រថយន្ត​តូចធំ ជាច្រើន​គ្រឿង​ទៅ​ស្រុក​យួ​យ យ៉ាង​រលូន មិនមាន​សមត្ថកិច្ច​ណាប​ង្ក្រា​ប​ឡើយ បើទោះជា​មាន កុងត្រូលជជុះ​រាប់រយ​កន្លែង​នៅលើ​

កំណាត់​ផ្លូវជាតិ លេខ ៧៨​អា​ពី​ស្រុក​អូរ​ជុំ​ចូល​ក្រុង​បាន​លុង និង ពី​ស្រែ​ពក ស្រុក​កូន​មុំ ឆ្លងកាត់​ក្រុង​បាន​លុង ស្រុក​បរ​កែវ​និង​ស្រុក​អូ​រយ៉ា​ដាវ រហូត ដល់​ច្រកទ្វារ អន្ដរជាតិ អូយ៉ាដាវ ក៏ដោយ​។​មូលហេតុ​គឺ​​រថយន្ត​ដឹកឈើ ប្រ​ភ​ទ​រថយន្ដ​កាំ​ម៉ា​រី​បា​ឡែ​ន​១​គ្រឿង​បង់អស់ ( ៤,០០០,០០០៛ ) បួន​លាន​រៀល​។ រីឯ​រថយន្ដ​សាំ​យ៉ុង​បង់អស់ ( ៩,៥០០,០០០៛)​ប្រាំបួន​លាន​ហា​សុ​ិ​ប​មុ​ី​ន​រៀល មន្ត្រី​ទាំងនោះ​កំពុង​កាក់​បក សប្បាយ​ចែក​លុយ​គ្នា ។

​ប្រភព​បាន​ឲ្យ​ដឹងថា​៖​ឈ្មោះ ហាប់ ណាក់ ក្បាល​ធំ (​តំណាង​ឈ្មួញ​ហូ​វជី​វ៉ៃ​)​ប្រមូល​ទិញ​ឈើ ពី​ចំណុច​ស្រែគ ស្រុក​សេសា​ន ខេត្តស្ទឹងត្រែង​ដឹក​ឆ្លង​កាត​ស្រុក​កូន​មុំ និង​ដឹក​ចេញពី​ក្រុមហ៊ុន​ហង់​អញ ស្ពាន​ស្រែ​ពក​ស្រុក​កូន​មុំ ដឺ​ក​ទៅ​ប្រទេស​វៀតណាម​។ ណាក់​ក្បាល​ធំ ដាក់​កម្លាំង​កម្មករ ប្រហែល​៣០​នាក់ ដឹកនាំ​ដោយ​ឈ្មោះ​អេង ឡើង​កាប់​ឈើ​និង​ឈ្មោះ​នឿន ប្រមូល​ទិញ​ឈើ  ដឹក​តាម​រថយន្ត​ធំ​ដឹកជញ្ជូន​ពី​ស្រុក​វ៉ឺ​ន​សៃ ។​

​ចំណែក​នៅ​ស្រុក​តា​វេ​ង ឈ្មោះ​ណាយ កាប់​ឈើ​យកមក​ទម្លាក់​តាម​មាត់​ទន្លេ​មាន​២​ចំណុច  និង​មាន​ម៉ា​សិន​ស្ទូច​ដាក់ រថយន្ត​សាំ​យ៉ុង​និង​រថយន្ត​ធំ ផងដែរ ដោយ​ហូ​វ ជី​វ៉ៃ ឲ្យ មេកា​ឈ្មោះ​ម៉ៃ អ្នកមើលការខុសត្រូវ​។​សូមបញ្ជាក់ថា​កាលពី​​ដើមខែ​វិច្ឆិកា ឆ្នាំ​២០១៧​ឈ្មួញ​ហូ​វជី​វ៉ៃ​បាន​ប្រើ​រូបភាព​ដឹកជញ្ជូន​ឈើ​តាម​រថយន្ត​សាំ​យ៉ុង ដោយ​បិត​អក្សរ​A​មុខក្រោយ​ងាយស្រួល​ចំណាំ​។​តែ​ចាប់ពី​ពាក់កណ្តាល​ខែវិច្ឆិកា ឆ្នាំ​២០១៧ ឈ្មួញ​ឈើ​រូបនេះ​បាន​កែប្រែ​ដឹកឈើ​តាម​រថយន្ត​ធំ តាម​រូបភាព​ចាស់​ដោយ​បង្គាប់​ឈើ​ក្រោម​សណ្តែកសៀង ដំឡូង​មី ។​ល​។​ចំណែក​ស្រី វិ​ជ្ជ​រ៉ា​ជា​ប្រពន្ធ​ឈ្មួញ​ឈើ​ហូ​វ ជី​វ៉ៃ​វិញ ដឹកឈើ​តាម​រថយន្ត​សាំ​យ៉ុង​រហូត​គ្មាន​ការ​ប្រែ​ទេ​។​

​ប្រជាពលរដ្ឋ និង​សកម្មជន​ការពារ​ព្រៃឈើ រស់ក្នុង​ខេត្ត​រតនគីរី អស់សង្ឃឹម និង​គ្មាន​ជំនឿ ទៅលើ​អាជ្ញាធរ​ដែលមាន​សមត្ថ​កិច្ច ព្រោះ​គ្មាន​វិធានការណ៍ ឬ​ចំណាត់​ការណ៍​ទប់ស្កាត់ បង្ក្រាប​ក្រុម​បក្ខពួក ឈ្មួញ​រត់ពន្ធ​ឈើ​ដុះ​ស្លែ​ទុច្ចរិត​បំផ្លាញ់​សម្បត្តិ​ជាតិ ដើម្បី​ប្រយោជន៍​ខ្លួន និង​បក្ខពួក យក​ធ្វើ​មានបាន ហឺ​ហា​ទាំង​នោះឡើយ បើទោះបីជា​សម្ដេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​កម្ពុជា មាន​អនុសាសន៍​ឲ្យ​មន្ត្រី កងកម្លាំងប្រដាប់អាវុធ​ដកខ្លួន​ចេញពី​ជំ​នួ​ួ​ញ ឈើ​ក៏ដោយ ហើយ​សម្តេច បានដាក់​ប​ទ់​បញ្ជា និង​ឲ្យ​អាជ្ញាសឹក​ដល់​អាជ្ញាធរ​ថ្នាក់​ខេត្ត​ទប់ស្កាត់​បង្ក្រាប​បទល្មើស ប៉ុន្តែ​មន្ត្រី​ទាំងនោះ ធ្វើ​មិនដឹង មិន​យកចិត្តទុកដាក់ អនុវត្តន៍​តាម​ប្រសាសន៍​ឡើយ ហាក់ ដូចជា​គ្មាន​រឿង​អ្វី​កើតឡើង ។​

jivaicar-ho2car-ho-chivei1