ទ្រឹស្តី​បដិវត្តន៍​ម៉ៅ​សេទុង​៖«​ទីមួយ​មិន​ខ្លាច​ការលំបាក និង​ទី​ពីរ​មិន​ខ្លាច​ស្លាប់​»

mao-tsedong

​ចិន​៖​លោក​ម៉ៅ​សេទុង ជា​អ្នកដឹកនាំ​ដ៏​ល្បីល្បាញ​ម្នាក់​នៅក្នុង​សតវត្សរ៍​ទី​២០ ដោយសារ​គាត់​ជា​អ្នកដឹកនាំ​ផ្តួលរំលំ​រដ្ឋាភិបាល​ចិន និង​គណៈ​គ្រប់គ្រង​ជាតិ​របស់​សេនាប្រមុខ ចាង​ខៃ​ជៀក (Chiang Kai–shek) ហើយ​បង្កបង្កើត​លទ្ធិកុម្មុយនីស្ត​ក្នុង​ទឹកដី​ចិន​។​​ម៉ៅ​សេទុង​បានប្រកាស​ដាក់​ប្រទេស​ចិន​ថា​៖​ជា​សាធារណរដ្ឋ​ប្រជាមានិត​ចិន (People’s Republic of China)

នៅ​ថ្ងៃទី​០១ ខែតុលា​ឆ្នាំ​១៩៤៩ នៅឯ​វិមាន​ចតុកោណ ធាន​អាន់​មិន ។​ដោយ​ទទួល​បានទទួល​នូវ​ការលើកតម្កើង​ពី​អ្នក​អែបអប​ថា​ជា​បុគ្គល​មាន​សមត្ថភាព​បង្រួម​ប្រទេស​ចិន​ឲ្យ​ក្លាយជា​មហា​ប្រទេស​សាជាថ្មី បន្ទាប់ពី​ធ្លាក់​ទៅ​ក្រោម​ឥទ្ធិពល​របស់​ជនបរទេស ចាប់ពី​មាន រឿង​”​សង្គ្រាម​អាភៀន (Opium Wars) ” មក​នោះ​នៅក្រោម​ការដឹកនាំ​របស់​ម៉ៅ​សេទុង​បានធ្វើ​ឲ្យ​ជនជាតិ​ចិន​បាត់បង់​ជីវិត ដោយសារតែ​ការ​អត់​ឈ្លា​ន​រហូតដល់ ៧០ លាន​នាក់ ដែល​ចាត់ទុកថា​ជាការ​ចំណាយ​ជីវិត​របស់​ប្រជាពលរដ្ឋ​ខ្លួនឯង​​ក្នុងកំឡុងពេល​គ្មាន​សង្គ្រាម​ដ៏​ច្រើន​បំផុត​នៅក្នុង​ប្រវត្តិសាស្ត្រ​។

បើ​ផ្អែក​តាម​លើ​ទស្សនៈ​ខាងលើ «​ទីមួយ​មិន​ខ្លាច​ការលំបាក និង​ទី​ពីរ​មិន​ខ្លាច​ស្លាប់​» យើង​អាច​សន្និដ្ឋានបានថា ម៉ៅ​សេទុង ជា​មនុស្ស​ដែន​មានការ​លះបង់​ខ្ពស់ ភាពក្លាហាន តស៊ូ​ការលំបាក ជាពិសេស​មិន​ខ្លាច​សេចក្តីស្លាប់​ថែមទៀត​។ ក្នុងការ​ប្រវត្តិសាស្ត្រ​ក៏បាន​បង្ហាញ​ប្រាប់​យើង​ថា បើសិន​ចង់បាន​អ្វីមួយ​ទាល់តែ​មានការ​លះបង់ ក្លាហាន ស្មោះត្រង់ មិន​ខ្ជិលច្រអូស និង​ហ៊ាន​ស៊ូទ្រាំ​នឹង​ការលំបាក​ផ្សេងៗ​ទម្រាំ​បាន​ដល់​គោលដៅ​នៃ​ជីវិត​។​​ម៉ៅ សេទុង បាន​បន្ត​ការ​ឱបក្រសោប​អំណាច​រហូតដល់​ដង្ហើម​ចុងក្រោយ​។​

​ដកស្រង់​ពី មនោ វិជ្ជា (​អ្នកនិពន្ធ និង​ស្រាវជ្រាវ​)

mao-tsedong