តុលាការ​អាមេរិក​កាត់ទោស​ប្រហារជីវិត​ខ្មាន់កាំភ្លើង​បាញ់ប្រហារ​នៅ​ព្រះវិហារ​ក្រុង Charleston

download-1

​អាមេរិក​៖​តុលាការ​អាមេរិក​កាលពី​ថ្ងៃ​អង្គារ​បាន​កាត់ទោស​ប្រហារជីវិត​ដល់​លោក Dylann Roof ដែល​បាន​អះអាង​ខ្លួនឯង​ថា​ជា​អធិរាជ​ស្បែ​កស​លើ​ការសម្លាប់​រង្គាល​អ្នក​ថ្វាយបង្គំ​ជា​ជនជាតិ​ស្បែក​ខ្មៅ​ចំនួន​ប្រាំបួន​នាក់​ក្នុង​ព្រះវិហារ​មួយ​នៅ​រដ្ឋ South

Carolina កាលពី​ខែមិថុនា​ឆ្នាំ​២០១៥​ដែលជា​ឧក្រិដ្ឋកម្ម​មួយ​បានធ្វើ​ឲ្យ​ប្រទេស​នេះ​មាន​ភាព​ភ័យ​តក់ស្លុត​។​
Roof ដែលមាន​វ័យ​២២​ឆ្នាំ​ត្រូវបាន​ផ្តន្ទាទោស​កាលពី​ខែ​មុន​លើ​បទចោទប្រកាន់​របស់​ស​ហ​ព័ន្ធ​ចំនួន​៣៣​ករណី​ដោយ​រួមទាំង​ឧក្រិដ្ឋកម្ម​ស្អប់ខ្ពើម​ផងដែរ​ទាក់ទង​នឹង​ការបាញ់រះ​សម្លាប់​មនុស្ស​នៅ​ព្រះវិហារ Emanuel African Methodist Episcopal ក្នុង​ទីក្រុង Charleston ។​
Roof សឹងតែ​មិនបាន​បង្ហាញ​ប្រតិកម្ម​អ្វី​សោះ​ទៅនឹង​ការសម្រេច​នេះ​។ ចៅក្រម​សហព័ន្ធ​លោក Richard Gergel នឹង​កាត់ទោស Roof ជា​ផ្លូវការ​នៅ​ព្រឹក​ថ្ងៃ​ពុធ​នៅឯ​តុលាការក្រុង Charleston ។ សាលក្រម​នេះ​ត្រូវបាន​សម្រេច​ដោយ​ឯកច្ឆន្ទ​។​
​សាច់ញាតិ​របស់​ជនរ​ង​គ្រោះ​នឹង​ត្រូវបាន​អញ្ជើញ​ឲ្យ​ទៅ​និយាយ​នៅក្នុង​សវនាការ​នៅ​ថ្ងៃ​ពុធ​។​
​កាលពី​ដើមឡើយ ព្រះរាជអាជ្ញា Jay Richardson បាន​ជំរុញ​ឲ្យ​តុលាការ​កាត់ទោស​ប្រហារជីវិត​ដល់​លោក Roof សម្រាប់​“​ការសម្លាប់​ដោយ​មិន​ញញើត គិតទុក​ជាមុន​និង​មានគំនិត​អាក្រក់​”​។​
​លោក​បាន​ថ្លែងថា “​គាត់​មិនបាន​ស្រក់​ទឹកភ្នែក​សូម្បី​តែមួយ​ដំណក់​ចំពោះ​អ្នក​ដែល​គាត់​បានសម្លាប់​។ គាត់​ហាក់ដូចជា​ពេញ​ចិត្តនឹង​អ្វីដែល​គាត់​បានធ្វើ​។ គ្មាន​វិប្បដិសារី​”​។​
​អគ្គមេធាវី​អាមេរិក​លោកស្រី Loretta Lynch បាន​ឲ្យ​ដឹង​ក្នុង​សេចក្តីថ្លែងការណ៍​មួយ​ថា “​យើង​សង្ឃឹមថា ការបញ្ចប់​នៃ​ការកាត់ទោស​នេះ​នឹង​ផ្តល់​ឲ្យ​ប្រជាជន​នៃ​ក្រុង Charleston និង​ប្រជាជន​នៃ​ប្រទេសជាតិ​របស់​យើង​នូវ​យុត្តិធម៌​ពិតប្រាកដ​”​។​
​គួរ​បញ្ជាក់ថា ការកាត់ទោស​ប្រហារជីវិត​គឺ​កម្រ​ណាស់​នៅក្នុង​ករណី​សហព័ន្ធ​ព្រោះ​ឧក្រិដ្ឋកម្ម​ហិង្សា​គឺ​ស្ថិតនៅក្រោម​ច្បាប់​រដ្ឋ​។​
​អាជ្ញាធរ​សហព័ន្ធ​បាន​ប្រហារជីវិត​ទណ្ឌិត​ត្រឹមតែ​បីនាក់​ប៉ុណ្ណោះ​ចាប់តាំងពី​ឆ្នាំ​១៩៧៦​មក​៕

download-1